Os Muíños (en Muxía) foi decote un lugar tranquilo. As súas 200 casas unifamiliares estaban sen fechar todo o día. Os veciños, con algunha discusión, leváronse ben de sempre.
A semana pasada todo cambiou. Un veciño novo, “Pichón” foi tiroteado na porta do seu taller de lavado e engrase. Ninguén viu nada. Eran as 8 do serán.
O rapaz saía nun coche do seu taller e un (ou uns) descoñecidos, que non chegou a ver, pegoulle 4 tiros. O seu pai sentiu o ruído e saíu á fiestra, pero non viu a ninguén. Baixou e atopou ó seu fillo, dentro do coche, cuberto de sangue.
Rapidamente meteuno noutro coche e trasladouno ao hospital “Virxe da Xunqueira” de Cee, onde chegou xa sen coñecemento.
Por sorte os disparos non lle alcanzaron ningún órgano vital e xa está na súa casa.
A semana foi axitada. Policías, garda civil, televisións, fotógrafos e xornalistas rondaron polo noso lugar toda a semana en busca da noticia.
Xa todo pasou, pero queda o medo. O medo dos veciños (a maioría xubilados) fai que agora todo o mundo peche as súas portas todo o día e moitos (os que non o tiñan) fixéronse cun can, para que avise da chegada de “intrusos”.
Muxiana
No hay comentarios:
Publicar un comentario